პეკინმა სამხრეთ ჩინეთის ზღვის ჩრდილო-აღმოსავლეთ ნაწილში 100 მილიონი ტონა ნავთობის მარაგის აღმოჩენის შესახებ გამოაცხადა. ამის შესახებ ჩინეთის ეროვნული ოფშორული ნავთობის კორპორაციის (CNOOC) განცხადებაში წერია.
სახელმწიფო კომპანიამ ხაზგასმით აღნიშნა, რომ ახლად აღმოჩენილი ნავთობის საბადო არ მდებარეობს სამხრეთ ჩინეთის ზღვის სადავო რაიონში და რომ ის მთლიანად შედის ჩინეთის ექსკლუზიურ ეკონომიკურ ზონაში (EEZ), რომელიც ვრცელდება მისი სანაპირო ზოლიდან 200 საზღვაო მილამდე (370 კილომეტრი).
